ગાઝિયાબાદ: શોટ સર્કિટથી લાગેલી આગમાં એક જ પરિવારના 5 બાળકો સહિત 6 લોકોએ જીવ ગુમાવ્યાં

નવી દિલ્હી:  ગાઝિયાબાદ (Ghaziabad) ના લોની વિસ્તારમાં શોર્ટ સર્કિટ (Short Circuit) ના કારણે લાગેલી આગમાં 6 લોકોના મોત થયા. મૃતકોમાં 5 બાળકો સામેલ છે. પ્રાથમિક જાણકારી મુજબ રૂમમાં રાખેલા ફ્રીજમાં શોર્ટ સર્કિટના કારણે આગ લાગી અને આ આગ સમગ્ર રૂમમાં ફેલાઈ ગઈ. જેના કારણે ઘરમાં સૂઈ રહેલા 5 બાળકો સહિત 6 લોકોના મોત થયાં. આ લોકોના મોત આગ લાગવાથી થયા કે પછી દમ ઘૂટી જવાથી તે અંગેની માહિતી હજુ મળી શકી નથી. 

આ ઘટના ગાઝિયાબાદના લોની બોર્ડર વિસ્તારમાં ઘટી. લોનીના બેહટા હાજીપુર મૌલાના આઝાદ કોલોનીમાં લાગેલી આ આગમાં 6 લોકોએ જીવ ગુમાવ્યાં. એવું કહેવાય છે કે મૃતકો એક જ પરિવારના છે અને આ આગ શોટ સર્કિટના કારણે લાગી. મૃતકોમાં પરવીન 40 વર્ષ (યૂસુફ અલીની પત્ની), પુત્રી ફાતમા (12 વર્ષ), સાહિમા (10 વર્ષ), રતિયા (8 વર્ષ), અબ્દુલ (8 વર્ષ), અઝીમ ( 8 વર્ષ), અહદ (5 વર્ષ) સામેલ છે. વિસ્તારમાં હાહાકાર મચી ગયો છે. 

જુઓ LIVE TV